| Punct da partenza per la gita da var duos uras sülla Chamanna Segantini es Puntraschigna – e cun que la via sur la Chamanna dal Munt da la Bes-cha Suot – o il parkegi tar Punt Muragl. La granda part dals viandaunts survendschan ils prüms meters d’otezza culla s-chabellera Languard davent da Puntraschigna o culla funiculera Muottas Muragl per piglier in seguit la bella senda cullas prunas stortas e la bella vista süllas muntagnas suot ils peis. | |
| La gita düra var üna fin duos uras ed es adatteda eir per iffaunts. Cun ün po furtüna paun gnir observos sül viedi eir muntanellas, chamuotschs e capricorns. | |
| Ch’Els as laschan temp e giodan las bellas muntagnas engiadinaisas. Tenor il motto: La via es il böt! | |