| Prodots fras-chs e quantiteds pü pitschnas vegnan paquetedas illa buscha e mnedas la bunura dals guardgiachamannas da la Val fin sülla chamanna. Il paun vain furnieu, tenor bsögn, dal furner la bunura fin tar la staziun da val Punt Muragl e mno culla funiculera fin sü Muottas Muragl, inua cha’l guardgiachamanna il vo «svelt» a piglier. | |
| Chargias pü grandas e pü pesantas maina la Heli Bernina chi piglia cun se in quell’occasiun güst eir il s-chart e las butiglias vödas per mner al heliport a Samedan. Sch’üna mangiativa mauncha tuot in üna vouta – que chi capita per furtüna be d’inrer – es la cuschinunza cuntainta da l’incletta davart dals giasts. Tenor il motto: «Que ho uschè lönch scu cha que ho – grazcha fich»! | |