Forz’electrica ed ova currainta tuocha pel team da la Chamanna Segantini tals «artichels da luxus». Cuschino e sfradanto vain cun gas, cellas solaras furnischan forza elettrica. 

 

Fin la mited da lügl sto a diposiziun pel solit be ova da plövgia ed ova da naiv. Dalum cha que dvainta pü chod po la chamanna retrer l’ova dad üna pitschna funtauna suot il Piz Languard. Però già üna not fraida basta per lascher staliver la funtauna… 

 

L’ova vain buglida e druveda unicamaing per bavrandas chodas scu cafè e tè ed eir per laver giò. Per quist motiv nu sun dis da plövgia be dis grischs, dimpersè eir la garanzia d’avair a disposiziun düraunt tuot la stagiun avuond’ova.

 

La prüma VIA CLIMATICA d'Europa cun 15 tevlas d'infurmaziun passa dasper la Chamanna Segantini.